नर्मदा परिक्रमेचा अनुभव घेऊन तो सदानंद येरवडेकर यांनी या पुस्तकात शब्दबद्ध केला आहे. ‘नर्मदा परिक्रमा ही आहे एक अनुभूती’ असे ते म्हणतात. ही अनुभूती प्राप्त करण्यासाठी त्यांनी पूर्वतयारी कशी केली, याची माहिती पुस्तकात प्रारंभी येते. ही पायी परिक्रमा त्यांनी १०८ दिवसांत पूर्ण केली.
या प्रवासात त्यांना अश्वत्थाम्याचे दर्शन झाले. ही नर्मदा मैय्याची कृपादृष्टी आहे, असे ते मानतात. हा प्रवास त्यांनी त्यांनी दैनंदिनीच्या स्वरुपात लिहिला आहे. त्यातून नर्मदेच्या किनाऱ्यांवरील सर्व तीर्थांची माहिती, नर्मदेला मिळणाऱ्या इतर नद्यांच्या संगमांची माहिती, परिक्रमेची पूर्वतयारी समजते.
एवढेच नव्हे, तर परिक्रमेचा मार्गदर्शक मार्गही त्यांनी दिला आहे. वाटेत आलेल्या अनुभवांविषयी त्यांनी सहज-सोप्या भाषेत लिहिले असून, भरपूर छायाचित्रांचा वापरही पुस्तकात केला आहे.
प्रकाशक : मधुश्री प्रकाशन
पाने : २५२
किंमत : २८० रुपये
(हे पुस्तक ‘बुकगंगा डॉट कॉम’वरून घरपोच मागवण्यासाठी खालील लिंकवर क्लिक करा.)